Imatut kopeerissaatit

Ilinniarfinnut ingerlaqqiffiusunut isumaqatigiissutitsinni periarfissat killigititaasullu pillugit paasisaqarit.

Isumaqatigiissutitsinni maleruagassat pingaarnerit

Allaaserisap nuutilluunniit 20 %-ia annerpaamik quppernerit 30-it ilinniartumut ukiup affaanut.

Quppernerit sisamat kopeersinnaajuaannarpatit apeqqutaatinnagu allaaserisap qanoq takitiginera. Soorlu naqitaaqqamit arfinilinnik quppernilimmit quppernerit sisamat kopeersinnaavatit, massa quppernerit tamarmiusut 20 %-iinik tamanna qaangiinerugaluartoq.

Quppernerit qanoq naatsorsornissaannut nalorniguit, assersuutigalugu nittartakkani quppernernit, taallianit atuagassianiluunniit allaaserisanit, taava menu matuma saamia tungaaniittoq ujarlerfigisinnaavat.

Quppernerit kopeerneqartut amerlassusii tassaapput ilinniartumut ataatsimut, ukiup affaanut kopeeriffigisamit ataatsimit. Tamanna imatut isumaqarpoq, assersuutigalugu ukiup affaata iluani atuakkap ataatsip 20 %-ia, amerlanerpaamillu quppernerit 30-it ilinniartumut ataatsimut kopeerneqarsinnaasut.

Naqitikkat tusagassaqartitsiviilluunniit kopeeriffigineqarsinnaasut

Atuagassiat suulluunniit nuutillu saqqummersitat, Kalaallit Nunaanneersut nunanilu allaneersut, naqitaap-pata digitalimeersuuppataluunniit matumani pineqarput, assersuutigalugu:

Atuakkat
Titartakkat
Atuagassiat
Atuakkat elektroniskiusut
Ilinniartitsissutit digitaliusut
Internet
Blog-it
Taalliat
Erinarsuutit nuutillu
Aviisit
(taamaallaat kopeerneqarsinnaapput printerneqarsinnaallutilluunniit)
Assit titartakkallu il.il. naqitanut nuutinulluunniit kopeerneqartussanut ilaasut. Pisariaqartikkussiuk kopiigassassinnut assitaanngitsunik assitaliinissaq, taava tamanna pillugu VISDA isumaqatigiissuteqarfigisariaqarparsi. Atuarsinnaavat uani.
… allarpassuillu.

Tamatigut eqqaamajuk, kopeeriguit kopiikkat suminngaaneernersoq, tassa naqitap aqqa, allaaserinnittoq(-t), saqqummersitsisoq ukiorlu saqqummersinneqarfia ilanngutissagakkit, apeqqutaatinnagu digitalimit nam-minerluunnii kopiigaappata.

Makku eqqumaffigineqassapput:

Aviisit: kopeerneqarsinnaapput printerneqarsinnaallutillu – skannerneqaratilluunniit digitalimik amerlasuunngortinneqassanngillat.
Akuersissutit pisartagaqarnerillu: Atuagassiat allallu digitalimik saqqummersitat ilinniarfiup isumaqatigiissuteqarfigisimasai kopeeriffigineqarsinnaapput. Digitaliusumik amerlasuunngortitsinerit akuersissummi piumasaqaataasut naapertorlugit pisassaaq.

Kikkut isumaqatigiissummi pineqarpat?

Copydan Tekst & Node-mut isumaqatigiissummi Ilisimatusarfimmi sulisut tamarmik pineqarput. Taakkuup-put maleruagassat matumani pineqartut naapertorlugit kopeerisinnaatitaasut. Ataaserli immikkut eqqu-maffigisariaqarparsi:

Ilisimatusarfiup nammineq allaffissornikkut ingerlatsinermini atortussaminik digitalinngorlugit amerla-suunngortitsissaguni ilinniartitsinermi atortussaanngitsunik, taava uani allassimasut digitalinngorlugit amerlasuunngortitsiffiusinnaanngillat. Taakkunannangali kopeerisoqarsinnaavoq.

Tamanna pissuteqarpoq piginneqqaartussaatitaasut ataasiakkaat ilinniartitsinermut atortussaanngitsunik digitalinngorlugit amerlasuunngortitassanik atueqqusinngimmata.