Menu

Ima kopeerissaatit

Kalaallit Nunaanni ilinniarnertuunngorniarfiit inuutissarsiummillu ilinniarfiillu isumaqatigiissutitsinni periarfissat killigititaasullu pillugit paasisaqarit.

Isumaqtigiissutitsinni maleruagassat pingaarnerit

Allaaserisap nuutilluunniit 20 %-ia annerpaamik quppernerit 20-it atuartumut ukiumi atuarfiusumi.

  • Assersuut: Kopeeriffiginiakkat 100-it ataallugit qupperneqarpat, taava 20 %-imik piumasaqaat atuutissaaq, assersuutigalugu quppernerit 50-iusimappata, 20 %= quppernerit 10.
  • Assersuut: Kopeeriffiginiakkat 100 sinnerlugit qupperneqarpat, taava annerpaamik quppernerit 20-mik piumasaqaat atuutissaaq, assersuutigalugu quppernerit 100-iuppata, quppernernit 100-nit 20 % = quppernerit 20.

Quppernerit sisamat kopeersinnaajuaannarpatit apeqqutaatinnagu allaaserisap qanoq takitiginera.

  • Assersuut: Soorlu naqitaaqqamit arfinilinnik quppernilimmit quppernerit sisamat kopeersinnaavatit, massa quppernerit tamarmiusut 20 %-iinik tamanna qaangiinerugaluartoq.

Quppernerit kopeerneqartut amerlassusii tassaapput atuartumut ataatsimut, ukiumi atuarfiusumi kopeeriffigisamit ataatsimit. Tamanna imatut isumaqarpoq, assersuutigalugu ukiup atuarfiusup iluani atuakkap ataatsip 20 %-ia, amerlanerpaamillu quppernerit 20-it atuartumut ataatsimut kopeerneqarsinnaasut.

 

Naqitikkat tusagassaqartitsiviilluunniit kopeeriffigineqarsinnaasut

Atuagassiat suulluunniit nuutillu saqqummersitat, Kalaallit Nunaanneersut nunanilu allaneersut, naqitaap-pata digitalimeersuuppataluunniit matumani pineqarput, assersuutigalugu:

  • Atuakkat
  • Titartakkat
  • Atuagassiat
  • Atuakkat elektroniskiusut
  • Ilinniartitsissutit digitaliusut
  • Internettet
  • Blog-it
  • Taalliat
  • Erinarsuutit nuutillu
  • Aviisit (taamaallaat kopeerneqarsinnaapput printerneqarsinnaallutilluunniit)
  • Assit titartakkallu il.il. naqitanut nuutinulluunniit kopeerneqartussanut ilaasut. Pisariaqartikkussiuk kopiigassassinnut assitaanngitsunik assitaliinissaq, taava tamanna pillugu VISDA isumaqatigiissuteqarfigisariaqarparsi. Atuarsinnaavat uani.
  • … allarpassuillu.

 

Kikkut isumaqatigiissummi pineqarpat?

Copydan Tekst & Node-mut isumaqatigiissummi ilinniarfimmi sulisut tamarmik pineqarput. Taakkuupput maleruagassat matumani pineqartut naapertorlugit kopeerisinnaatitaasut.

Ilinniartut ilinniartitsinermut atatillugu kopeerisut (agguaassassatut allaaserinnitsitaanermiluunniit) kopeerisinnaanermut isumaqatigiissummi aamma pineqarput, ilinniarfimmilu sulisunut piumasaqaatit assiginik malitassaqarlutik.

Ilinniarfiup akisussaaffigaa sulisut atuartullu kopeerinissami killissarititaasut pillugit ilisimatissallugit.