Vi repræsenterer autorer og udgivere inden for tekster og noder
Kopeerniakkat qanoq qupperneqartiginera qanoq uuttorneqassava
Kopiigassanik tigulaariffigisinnaasatit assigiinngitsorpassuupput. Ilaanni kopiikkanik tigulaariffigisassat tamakkiisumik qassinik qupperneqarnersoq naatsorsussallugu nalornisoornarsinnaavoq. Matumani marlussunnik assersuutinik takusaqarsinnaavutit tamakkiisumik quppernerit qanoq nassaarineqarsinnaanersut.
Atuagaq: Atuagaq qassinik qupperneqarnersoq aallaavigalugu 20 %-ia imaluunniit amerlanerpaamik qup-pernerit 20-it kopeersinnaavatit.
Atuagassiaq: Atuagassiap ukiup ataatsip iluani saqqummernermini tamakkiisumik qupperneri aallaavigalugit 20 % imaluunniit amerlanerpaamik quppernerit 20-it kopeersinnaavatit, imaanngitsoq atua-gassiap normua ataaseq kisiat aallaavigalugu.
Internet-imi nittartagaq: Internet-imi nittartakkami assersuutigalugu pdf-fil tigulaariffiginiaraanni, taassu-ma 20 %-ia, imaluunniit amerlanerpaamik quppernerit 20-it kopeerneqarsinnaapput.
Internet-imi nittartakkami quppernerit tigulaariffigineqassappata taakkunannga 20 % imaluunniit amerlanerpaamik quppernerit 20-it naatsorsorneqarnissaat ajornakusoorsinnaavoq. Naliginnaasumilli pappiaqqamut aniatitsinermi quppernerit 20-it amerlassusiat uuttortaatigineqarsinnaavoq.
En antologi: Antologi tassaavoq taalliat katersat, erinarsuutit imaluunniit ilisimatuussutsikkut allaaserisat katersat suliatut ataatsitut isigineqartussaavoq. Tassa imaappoq saqqummersitap tamarmiusup tamakkii-sumik qupperneri aallaavigineqassapput 20 % imaluunniit amerlanerpaamik quppernerit 20-it kopeerne-qarnissaannut. Allatut oqaatigalugu taallaq ataaseq suliatut immikkuullarissutut uuttuutigisineqaratik, kisiannili saqqummersitap tamakkiisumik qupperneri uuttuutigineqassapput.
Assit: Assit, naqitami allaaserisanut assitaliunneqarsimasut kopeerneqarsinnaapput. Assit matumani qup-pernertulli nalilerneqassapput. Oqaasertat qiortarneqassanngillat assillu kisimiitillugit kopeerlugit. Allatut oqaatigalugu assit kopeerneqarsinnaapput naqitami inissisimanerat allannguuteqartinnagu.
Malugiuk: Maluginiarneqassaaq saqqummersitamit ataatsimit 20 % imaluunniit amerlanerpamik quppernerit 20-it kopeerneqarsinnaammata. Tigulaariffigineqareersup saqqummerseqqinneqarnerani tigulaaraluni kopeerissagaanni quppernerit amerlassusissaattut %-imilluunniit annertussusissaattut killiliussanit amerlanerusunik kopeerisoqarsinnaanngilaq.
Tamakkiisumik quppernerit qanoq naatsorsorneqarnissaannik najoqqutassaq
| Tamakkiisumik qupp. | 20 | 25 | 30 | 35 | 40 | 45 | 50 | 60 | 70 | 80 | 90 | 100 qummut |
| Qupp. kopeersinnaasatit | 4 | 5 | 6 | 7 | 8 | 9 | 10 | 12 | 14 | 16 | 18 | 20 |