Soraarummeerutissat, aviisit ataasiaannarlugillu atugassat

Soraarummeerutissat

Soraarummeerutissatut suliassat pappiaranngorlugit digitalinngorlugilluunniit kopeersinnaavatit. Matumani aamma pineqarput Undervisningsministeriap atortussaasivianiittut, Prøvebanken-imi.

Aviisit, aviisit sapaatip akunneranut saqqummersartut aviisillu internet-imiittut

Aviisit kopeersinnaavasi – pappiaranngorlugit digitalimilluunniit. Siornatigut atuarfiup kopeerisinnaanermut isumaqatigiissutaani taamaallaat aviisinik fotokopeerineq printerisinnaanerlu pineqaraluarput, kisiannili juni 2022-miit ilinniartitsisut atuartullu aviisini allaaserisanik kopeerisinnaalerput aviisinit internetsimilu aviisinit. Taamaattorli aviisinik saqqummersitsisartunut sullississutinulluunniit tamakkununnga attaveqaataasinnaasut ataqqineqassapput.

Aviisinik digitalinngorlugit kopeerinerit pillugit nutaarsiassaq atuaruk uani.

Ataasiaannarlugu atortussiat kopeerneqassanngillat

Hæftit pappiaqqallu, ilinniartut namminneq immersuiffigisassaat kopeerneqassanngillat, pappiaqqami nittartakkamiluunniit aallerfigineqartumi kopeerneqarsinnaanerannik allaqqasoqanngippat.