Menu

Suut nalunaarutigineqartussaappat?

Kopeerisimaguit piginneqqaartussaatitaaneq pillugu aalajangersakkatigut illersugaasunit – digitaliuppata naqitaappataluunniit, kalaallisuujuppata allamiulluunniit oqaasii atorlugit suliaappata, taava nalunaarutigisussaavatit.

Piginneqqaartussaatitaanermik inatsisitigut illersugaasinnaapput, assersuutigalugit:

  • Atuakkat
    Atuakkanit qanoq ittunilluunniit kopeerisimaneq nalunaarutigineqassaaq.
  • Aviisit
    Aviisinit naqitanit kopeerisimaneq netaviisinilluunniit aniatitaqarsimanerit nalunaarutigineqassapput.
  • Atuagassiat akuersissutitaqanngitsut/pisartagarineqanngitsut
    Atuagassiat suulluunniit akuersissutitaqaratilluunniit pisartagarineqanngitsut kopeerneqarsimappata nalunaarutigineqassanngillat.
  • Atuagassiat akuersissutitallit/pisartagarineqartut
    Atuagassiat digitaliusut suulluunniit akuersissutitallit/pisartagarineqartut kopeeriffigineqarsimasut nalunaarutigineqassapput. Akuersissutitaqanngitsunik/pisartagarineqartunik digitalimik kopeeri-nerit nalunaarutigineqassapput.
  • Erinarsuutit nuutillu
    Erinarsuutit nuutilluunniit kopeerneqarsimappata nalunaarutigineqassapput.
  • Internet-imi nittartakkat, pdf’it atortussallu allat internet-imeersut
    Pisortat suliffeqarfiinit, inuit ataasiakkaat nittartagaannit, pdf-it, atuakkanit elektroniskiusunit, ilinniartitsissutinit digitaliusunit, blogs-init aammalu internet-imit aasanit allanit kopeerinerit nalunaarutigineqassapput.
  • Akuersissutilimmik ilinniartitsissutit digital-iusut, fagportal-it, e- og i-bøger
    Akuersissutilimmik ilinniartitsissutit digital-iusut suulluunniit kopeerneqarsimasut nalunaarutigineqassapput.
    Immikkut akuersissutitaqanngitsunit/pisartagarineqanngitsunit digital-imik kopeerinerit nalunaarutigineqassapput.
  • Soraarummeernermi suliassat
    Soraarummeernermi suliassat suungaluarpataluunniit suminngaaneeraluarpataluunniillu, immikkul-luunniit isertaateqarnikkut illersugaangaluarpata nalunaarutigissavatit – assersuutigalugu Prøve-banken-imit (siornatigut Materialeplatformen) aaneqarsimagaluarpata.
  • Atortut, allat suliaat tunngavigalugit katitersimasatit
    Naqitanngorlugit saqqummersitat atuartitsininnut atatillugu atorsiasatit.  Tassa atuartitsissutigi-sassatut katiterlugit/atuakkaniit, nittartakkaniit, aviisiniit il.il. copypast-erlugit suliarisimasatit. Eqqaamassavat kopeersimasatit suminngaaneernerinik paasissutissat ilanngutissagakkit.
  • Atuartut kopeerinerat
    Ilanngullugit nalunaarutigineqassapput atuartut suliaqarnerminnut atatillugu kopeersimasaat, agguaassimasaat atuarfiulluunniit intranet-ianut atuartitsinermilu immikkut qupperneranut upload-ersimasaat.

Ilinniartitsisup kaammattuineratigut atortussat kopeerneqarsimasut ilanngunneqassapput.

 

Nalunaarutigisussaanngilatit:

  • Killeqanngitsumik kopeerineq
    Atortussat killeqanngitsumik kopeersinnaasatit.
    Atortussat tamakku amerlasuutigut imatut ilisarnaquserneqarsimasarput:  ”kopimappe”, ”kopiark”, ”fri kopi”, ”til kopiering”, ”copysheet” taamaaqataanilluunniit..
  • Linkit
    Tassa atortussat online-imi atuartitarnut innersuussutigisimasatit.
  • Nammineq suliat
    Atortussat atuartitsininnut nammineq suliarisimasatit, allat suliaannik atuinat.
    Atortussaq nammineq suliat saqqummersinneqarsimappat taanna nalunaarutigissavat.
  • Illup iluani  atugassat paasissutissallu isertuussassat
    Soorlu skemat, allakkat, oqaaseqaatit, nalilersuinerit assigisaallu.

 

Nalorniguit?

Sorpiaat nalunaarutigissanerlugit nalorniguit nassiutiinnakkit, taava uagut immikkoortitissavagut.