Atortunit – atuakkanit, nuutinit, taallanit, atuagassianit, nittartakkanit aamma aviisinit qanorluunniit kopeerisinnaavutit
Isumaqatigiissummi ilaapput:
- atuakkanit, taallanit katersanit, atuagassianit, aviisinit, nuutinit, taallanit il.il. nuutsitsineq.
- internetsimit, aamma nittartakkat imarisaannik anillatsitsineq piginnittussaatitaanermit illersorneqarpoq, soorlu atuakkat aamma aviisit assigalugit.
- Digitalikkut saqqummiussissutini, PowerPointini, allattarfissuit interaktiviusut aamma seqersittakkat oqaasertaannik atuineq.
- atortunik nammineerlutit download-ersimasarnik, copy-pastersimasarnik, ilinniarfimmi drev-imut imaluunniit intranet-imut password-ilimmik illersuutilimmut skannersimasannik uninngatitsineq aamma upload-erineq.
Suminngaanneersulluunniit allakkiat nuutillu kopeersinnaavatit. Killeqartitsinermulli malittarisassat eqqaamakkit
Killiliussat amerlanngillat
Isumaqatigiissut allakkianik aamma nuutinik kopeerinermut amerlanerusunik periarfissiivoq. Malittarisassat ataasiakkaat aamma allat atortuinik atuinermut najoqqutassat eqqumaffigiinnassavatit.
- Atortunit qanoq annertutigisumik kopeerisinnaanerit killeqarpoq. Uuma ataani ilinniarfiit naniuk aamma qanoq kopeeritigisinnaanerlutit takuuk.
- Atortussat ataasiannartakkat immersugassartallit isumaqatigiissutitsinnut ilaanngillat taamaattumik aamma kopeerneqarsinnaanatik.
- Atortut nittartakkanik imaluunniit tuniniaanermut tunngatillugu atorneqassanngillat – pisinnaatitaanermik piginnittut immikkut ittumik isumaqatigiissuteqarfiginissaat pisariaqarpoq.
Misilitsinnermi suliat (ass. Prøvebankenimeersut) killilersorneqanngillat taamaattumik aamma tamakkiisumik kopeerneqarsinnaapput.
Ima kopeeritigisinnaavutit
Isumaqatigiissut malillugu tigulaakkat kopeerneqarsinnaapput – suliat tamakkernagit. Taamaattumik isumaqatigiissummi quppernerit amerlassusaat aamma procentit uuttortarneqarput, taakkua malitassaraatit. Ilinniarfinni suna atuunnersut uani takuuk:
| Ilinniagaq | ilinniartumut ataatsimut ukiumut ilinniarfiusumut ataatsimut |
| Meeqqat atuarfii/tunngaviusumik atuarfiit Efterskolit Atuarfiit namminersortut Højskolit Oqaatsinik ilinniarfiit il.il. | Annerpaamik. Suliap 20 %-ia. Taamaattoq annerpaamik quppernerit 20-at suliammit tassannga. |
| Ilinniarnertuunngorniarfiit Inuusuttut ilinniarfii Inuussutissarsiornermut ilinniarfiit | Annerpaamik. Suliap 20 %-ia. Taamaattoq annerpaamik quppernerit 20-at suliammit tassannga. Aamma ukununnga atuuppoq faaginut ukiup affakkaanut sivikinnerusunullu. |
| Ilisimatusarfik Ilinniagartuutut ilinniakkat Inuussutissarsiorfiusumik ilinniagartuunngorniarluni ilinniarfiit | Annerpaamik suliap 20 %-ia. Taamaattoq annerpaamik quppernerit 30-t suliammit tassannga. |
Ima kopiikkatit agguarsinnaavatit
Atuartitarnut/ilinniartitarnut assigiinngitsutigut kopiikkanik agguaasinnaavutit:
- Klassimi agguaassassatut
- digitalikkut iPads-ini, Smartboards-ini, Teams-ini, Zoom-imi aamma assingisaanni.
- digitalikkut atuarfimmi passwordimik illersorneqartuni attaveqaatini soorlu AULA, intranet, OneNote, Dropbox assingisaallu.
- digitalikkut ilinniartitsilluni attaveqaatini soorlu MinUddannelse, Meebook, itslearning, Fronter, Canvas, Lectio, Moodle assingisaallu.
Kopiikkat agguaannissaat periarfissaanngilaq:
- allanut ilinniarfimmi ilinniartitsivigisanni ilinniartitsisuunngitsunut, atuartitsisuunngitsunut aamma atuartuunngitsunut/ilinniartuunngitsunut.
- mailikkut, nittartakkani aamma sociale mediani. Aamma eqimattani matoqqasuni suleqatigiinnilu.
Akuersissutimmi pillugit isumaqatigiissutit aamma pisartakkat?
Ima aperineqakulasarpugut: Atortunit ilinniarnermi attaveqaatit aqqutigalugit, atuakkanik atorniartarfik imaluunniit digitalikkut saqqummersitanit atuarfiup pisartagaanit kopeerisinnaavunga?
Akissutigaarpullu: Apeqqutaalluinnarpoq, atortuni taakkunani akuersissummut piumasaqaatini qanoq allassimasoqarnersoq.
Tassami atortunik saqqummersitsisut aamma suliarinnittut kopeerinissamut piumasaqaatinik aalajangersaasarput. Taava Netaviisinit, e-boginit, digitalikkut ilinniartitsissutinit aamma ilinniartitsinermi isaaffinnit kopeerinissamik pisariaqartitsiguit, taava akuersissummut piumasaqaatit misissoqqaassavatit.
Kopeerisoqarnissaa piumasaqaatini isummerfigineqarsimanngippat, taava isumaqatigiissupput malillugu kopeerisinnaavutit.
“CopyCloud”-erput aqqutigalugu kopiikkatit nassiutikkit
Atuartitsinissannut atortussanik kopeeriguit suminngaanneerneri aamma atuartut imaluunniit ilinniartut qassit kopiimik pissarsisimanersut/takusaqarsimanersut allallugit uagutsinnut nassiutissavat.
Kopiikkatit atorlugit piginnittussaatitaasut akissarsiassai atuartitsininni atukkatit akilissavagut.
Imaaliussaatit
‘CopyCloud’-erput aqqutigalugu kopiikkatit upload-issavatit.
tekstognode.dk/copycloud, alakkaruk innersuussutillu malillugit. Ajornannginnerusinnaanngilaq.
Kopeereqqinnerit isumalerujussuuvoq
Atuakkiortunut, nipilersortartunut, assitalersuisunut, saqqummersitsisunut il.il. suliaannik kopeeriguit nalunaarutiginninnitit pingaaruteqarput. Tassami illit ilinniartitsisullu allat kopeerinissinnik nalunaarutiginninnissigut piginnittussaatitasunut akiliisinnaavugut.